مسافر كمان ساعتين
عايز اقوم اقفل الشنط
حطيت كل حاجة...؟؟
احساس بيلح عليا بإستماتة
انت ناسى حاجة
ايه..ايه..ايه
هدومى...تمام
بدلى ..تمام
احزمة..جزم..نضارة...شاحن
ايه تانى....؟؟
الهدايا كلها حطتها من بليل
ايه اللى ناقص...؟؟
رخصتى
كنت هنساها
تمام
خطى القديم
موبينيل مش جوال
ايه تانى يا فان
شراباتك
تمام
جرافتاتك
ساعتك
ايه ناقص...؟؟
حاسس ان عقلى هيوقف
وجوايا الف كلمة..وميت الف فكرة بتطارد بعضها
انت ناسى حاجة.......؟؟
تانى
اه
قلبى
كنت هنسى ارجعه مكانه
:)
4 comments:
السلام عليكم
الحمد لله انك افتكرته
:)
بس هو يا فان فيه حد بيركنه او يشيله من مكانة ووقت اللزوم يرجعه
حمدا لله على السلامة
سلاماتى
Welcome Hoooooooooome
ما شاء الله
بجد اسرتنى معاك بتفكيرك اللى هو ايه اللى ناسيه بجد
وفضلت افكر لو شنطتى ممكن ابقى ناسيه ايه؟؟
بجد بجد
صح اوى اننا كل ما نفكر نمشى من مكان نفكر اوى اوى اوى ايه اللى احنا ممكن نكون ناسيينه
ساعات حتى بتبقى ذكرى مش شرط اوى قلبنا
ميرسى اوى بجد بجد
حلو اوى لانه بسيط اوى وصادق اوى
:)
يادي لم الشنط و هوجتها و رعشة الجسم ساعتها
مش فاهمة
يعني أقول حمد الله ع السلامة ولا ده ذكريات؟
عارف بتبقى مفاجأة أما تلاقيه بيرجع فعلا مكانه.. و يعيش تاني ويملاك احساس
Post a Comment