ان تقابل نرجسي

 عادة ، حين تسمع كلمة احبك من امرأة في حياتك، يكون امامك شعور من اتنين 

الاول، و الطبيعي ، ان تبادلها نفس الحب ،فتجد الكلامات تأني علي لسانك ، قادمة من قلبك بلا اي عناء

الثاني ، ان تشعر ، انك لا تجد ذلك في قلبك، تعرف معرفة يقينة انك لا تحبها ، فلا تملك الا ان تظهر تقديرك لهذا الحب، الذي لا تجد فيقلبك ما يقابله 

حين تكون مع نرجسي ، يكون هناك شعور ثالث 

انت لا تصدق ما تسمع 

تدرك انه كلام فارغ 

شيئ مفقود 

لا تعرفه ، لكنك تحسه 

عقلك لا يدركه 

لكن قلبك يراه 

حينها،  ربما ترد بي ؛ انا ايضا احبك 

لكنه شعور مختلف 

لا يوجد هنا شعور بأنك محبوب و لا تبادل هذا الشعور بما يماثله

بل، كل شيئ مصطنع 

بداخلك تعرف ذلك

كل شيئ مصطنع 

السؤال و الجواب 

—-

اهرب 

حين تقابل نرجسي اهرب 

فالحياة اغلي من تضيع مع هؤلاء

بس لو تعرفي…!

 بس لو تعرفي قد ايه وحشاني 

بس لو تعرفي قد ايه مستنيكي ترجعي 

عارف و فاهم انه غلط 

عارف و فاهم ان مينفعش 

بس جوايا الف سبب ان ارجعلك 

بتلكك اني احضنك 

فيكي شيء معروف بالنسبالي 

عارف عيوبك 

و مش شايف دلوقتي الا كل حلو فيكي 

اه لو تعرفي قد ايه انا ضعيف من غيرك 

بيقولوا المفروض منضعفش

ولو فهمنا ضعفنا نبقي اقوي 

انا عارف و فاهم ، و اضعف من اني اقاوم 

او يمكن مش عايز 

الحياة برد كتير من غيرك 

جدير بالذكر

 جدير بالذكر اني قبل الفرح 

جبت ساعة غالية 

قلت بعد تلاتين اربعين سنة 

عايز ولادي يعرفوا ان ابوهم كان كويس 

فكرة في الساعة اكتر ما فكرت في البني ادم اللي هجيب منه العيال دي 

بحب ساعتي 

وبكره اليوم اللي شفتك فيه 

هاشتاج #حمار 

عادي

 عادي 

انت كنتي فكرة في دماغي مش اكتر 

شفت فيكي حاجات مش موجودة 

شفت فيكي قلب بيحلم و يحن 

شفت فيكي دنيا جديدة

بيت و بنت وولد 

وانت اصلا كارهه نفسك

ازاي اللي كاره نفسه يعرف يحب 

ازاي اللي قلبه ناشف ، يعرف يحن 

ظلمتك لمًا شفت فيكي بيت و دنيا 

لما حملتك مسئولية انك تكوني زوجة ليا 

ونس

سند

ضهر يحمي يوم ما الايام تيجي عليا 

ظلمتك 

انتي اصلا عرق ناشف 

بيت خرابة 

يومك قبل ما الشمس تطلع لونه اسود 

و يوم ما تعرفي اي ضعف فيي، تجري تفضحي 

ضهر ايه ؟

دانتي اللي يديكي ضهره يبقي ضاع

يبقي زي اللي باع سنينه في سوق ضباع 

انتي مغلطيش 

انا اللي ظلمتك 

لما شفت فيكي بني ادمة 

انت اقل كتير من كده 

انتي…انتي مش اكتر 

دردشة

 الفكرة اني فعلا حاولت علي قد ما اقدر ، حاولت بجد ومن قلبي…

اتعلمت ان البخل وحش ، والزوج البخيل مكروه، كنت كريم علي قد ما قدرت، قلت المهم اني اسعدك و متحسيش اني يستخسر حاجة فيكي 

كنت ديما انسان مهتم بنضافتي ، اهتميت اكتر اني اكون زوج تحبي تقربيله، حافظت علي قد ما اقدر ، بالرغم من انك مكنتويش كده 

كنت كويس جدا مع اهلك، اصحابك ، اتعاملت معاهم كلهم ، وصاحبت ناس منهم ، و عمري ما اتكلمت عليهم وحش معاكي ، انتي عاملتيالعكس 

احترمت شغلك، و قرارك تشتغلي او لا ، دعمتك في اي قرار تاخذيه 

متدخلتش في لبسك، علقت يمكن مرة واحد علي لبس البحر ، و متقبلتيش مني، قلتلك البسي كعب عشان احب اشوفك بكعب ، ملبستيش الا يوم طلاقنا .

قلتلك علي بنطلون بحبك فيه ، وبنطلون مبحبوش، لبستي الاتنين 😕

جبتلك ديما احسن هدايا اقدر عليها ، و جبت لاهلك علي قد ما اقدر، انتي العكس ، هدية عيد ميلادي الوحيد و احنا متجوزين كانت داييوز 😕

اخدت احسن بيت في الرياض عشانك ، اخدت احسن بيت في لندن عشانك ، و مفرقش 

غلطت في ايه؟ 

في اختياري نفسه ! بس انتي كنت بتقولي انك بتحبيني ، كنت بتقولي و انا صدقتك 

شوفتك فيكي عيوب زي اي حد ، كلنا فينا عيوب

مشفتش فيكي اللي يخوف ، يمكن ساعات تخيلت ده ، عدي عليا كفكرة سودة مرة ، لو اختلفنا ، ممكن انتي و مامتك تعملوا ايه ، و الليحصل مختلفش كتير عن اللي تخيلته 

غلطت في ايه ؟ 

Note to myself 

انا عمر ما حد اذاني كده في حياتي ، او عمري ما اتأثرت بأذي حد للدرجة دي 

سامح ، بس اوعي تنسي 

قواعد الصالونات العشرة

جواز الصالونات مش اكتر طريقة في كل المجتماعات عشان تخلي اتنين يقابلوا بعض

اتنين...لأي سبب من الأسباب مقابلوش نصهم الحلو, شريك حياتهم , بالصدفة في حياتهم

 فالمعارف المشتركة بتحاول تتدخل و ترتب اللقاء ده...ممكن في صورة خروجة عادية في كافيه...او علبة شيكولاتة و صالون مع كوباية مانجة

موضوع مين هما المعارف المشتركة ده مهم جدا, وقد ايه هما عارفين انت بتدور علي ايه وهي بتفكر ازاى

مهم ان المعارف دى تكون فهماك...و فهماها...ده بيدى فرص اكتر لنجاح الموضوع

من خبرتي المتواضعة...في عشر نصايح للموضوع ده

ألاولي: ألغاية تبرر الوسيلة

يعني مش معني انك هتشوف واحدة عن طريق الصالونات...يبقي هتشيل اللي هتلاقيه

الموضوع مش اكتر من لقاء مترتب..وسيلة يمكن تساعدك انك تلاقي اللي بتدور عليه...

الثانية: انت عايز ايه؟

مهم قوي تبقي عندك فكرة انت عايز ايه في شريكة حياتك. بقول فكرة عشان فب النهاية البنات مش بيتشكلوا بناء علي رغباتك

و عشان برضوا انت لما تعجبك بنت مش هتكون ابدا زى مانت عايز بالظبط. المقصود تفهم اولوياتك, اللي من غيرها مينفعش

التالتة: متقولش لا لأي حد جايبلك عروسة

خبط علي كل باب...انت بتسعي في الحلال, وده مش عيب. صدقني, عمرك متتخيل نصك التاني ممكن يكون مستنيك فين

الرابعة: متخافش

المغص اللي هيجيلك قبل الميعاد بساعتين, او وانت قدام النادي, او طالع سلم البيت. الاحساس ده طبيعي جدا.

افتكر دايما ان الموضوع اصعب كتير علي البنت

الخامسة: تحلي بالروح الرياضية

يعني لو واحدة مرتحتش معاك, مش اهانة ليك. زي مانت لو مرتحتش ده مش اهانة ليها. في البدايه اللي بيحكم هوه القبول

بس عموما خليك بعيد في كلامك عن ما يحسب في بند الاهانة. يعني متبررش عدم القبول بكلام كبير من نوع: هايفة, وحشة, مغرورة...الخ. خليك شيك حتي في رفضك

السادسة: نحن نكذب احيانا...ونتجمل غالبا

مش كل الحلو اللي هتشوفه حلو بجد...وفي عيوب انت لسة هتشوفها...فهدي الحماس

السابعة: خلي بالك من طنط

امها مش اكتر منها بعد كام سنة...خد بالك من كلامها...معاك و مع ابوها...جسمها..لبسها

هتشوف الدنيا احسن

الثامنة: جدد نيتك بين كل مشوار و التاني

يعني خلي دايما نيتك لله...انك عايز تعف نفسك, وتعف بنت مسلمة ...انك عايز تفتح بيت و تبتدي اسرة مسلمة صغيرة علي قدك

توفيق ربنا بس هوه اللي هيوقع في سكتك بالصالونات اللي مجتش بالصدفة

..التاسعة: اتكلم,  كن نفسك

اتكلم في كل حاجة...ممكن كلام في السياسة يفهمك دماغها...واولوياتها

البنت عموما بتبقي شايفاك انسان غريب..اللي هيطمنها انها تفهمك اكتر...فاتكلم...بدون تصنع

العاشرة: اصبر

اوعي زهقك من العزوبية يخليك تمشي في حوار انت مش مقتنع بيه. ده ممكن يوديك في مشاكل قبل او بعد الجواز اكتر بكتير من العزوبية...افتكر دايما ان افتناعك اهم حاجة...مش اقتناع اهلك...او اصحابك

اخيرا...افتكر ان الجواز شر لابد منه...وانه كاس وداير و بيلف

وعموما...اخرة كل شاب شايف نفسه ايه؟

واحدة بتزبط الميك اب جنبه في العربيه و كرسي بيبي علي الكنبة ورا

عيش يا نجم 

فول بالبشاميل

عمرى ما تخيلت انى ممكن اتعلم الطبخ

يمكن عشان ولد بعد بنتين..فطول عمرى فى خطيب دفاع بينى وبينى المطبخ..ده بعد ست الكل

ورغم انى كنت متخيل انها قصة سهلة...ايه يعنى شوية رز...او صينية فراخ..أو...أو...أو

الا انى لما اتيلت و اتغربت..لقيت نفسى فجأة...واقف فى المطبخ...وده طبعا مش مطبخ مقارنة بمطبخ الحجة

وفى ايدى كيسين مكرونة...وقدامى حلة فى ميه بتغلى

مين كان يتخيل..انى دى تكون النهاية

نهاية الفنان الجميل..الشاب الحر...اللى عمره ما عمل حتى شاى لنفسه

الصدمة كانت كبيرة

تلاها محاولات كتيييييييييييييييييييييير فى المطبخ

وصلت لنهاية واحدة

فى ناس ليها فى المطبخ..وناس ملهاش

حاجة كده زى الرسم والكتابة والموسيقى

الطبيخ موهبة

وانا معنديش الموهبة دى

وبرغم اقتناعى انى فاشل مطبخياً

الا انى بمسك نفسى فى لحظات غريبة عليا

لو وقفت قدامها ممكن اعيط لمدة شهر متواصل

مرة فة مكتبة جرير..الاقى نفسى واقف ومتمركز فى وسط ركن الطبيخ

وعيبنى رايحة من اللبنانى الى السورى للمصرى

لدرجة انى فكرت اشترى كتاب حلو

" المواقف دى بتحسسنى ان لازم امشى بشنطة ايد فى كتفى"

اخيرا

لقيت نفسى قاعد قدام شيف معرفش اسمه ايه

عمال يخلبط وينعكى ميت حاجة فى بعض..وفى الأخر يروح ساحب طبق من ور الكاميرا...زى الفل

وانا والستات اللى متابعين البرنامج نشهق..ايه الجمال ده

أنا...ولا شيئ غيري

ترفع...
أسمو بقلبك قبل افعالك...
أرقي باحلامك...فوقهم
فوق من حولك
فوق كل شيئ ...وأي انسان
ففي فراغك انت، لا شيئ غيرك
وفراغك هو كل حياتك الان
اطردهم
فلا مان داخلك الا لك

أحبُكِ فكرة ...!

أحبك فكرة
ولكن حين تجسدتي...
كرهت التطبيق
كرهت كل من مروا بكي من قبلي
كرهت الطريق الذي أتي بكي اللي
لا لشيئ إلا...
لانه باعد بيننا بقسوة
وكأنكي تجسدتي فقط
لتريني استحالة
حدوثك
عزيزتي المستحيلة
احبك
والله العظيم بحبك

هكذا كان هو...

حين اخبر الجميع برغبته في الزواج من مدام ياسمين...تعجب الموظوفون!!
مدير الفرع يتزوج من اقل النساء جمالا بالبنك؟؟؟!!
كان فرحاً... يتحرك كإبن العشرين...وهو الذي تجاوز الخامسة والخمسين منذ عدة أشهر
عمراً طويلاً قضاه وحيداً...بلا زوجة ...بلا أولاد
اي نجاحات؟؟؟
ماديا ممكن...معنويا شأناً اخر
هي...متوسطة الجمال...زوج راحل...وطفلين
لماذا الان؟ لماذا هي؟؟؟!!
شغل السؤال من يعرفهم...وربما شغله هو أكثر منهم.
--------
يتذكرها تبكي
تاهت الكلمات منها وهي تحاول ان تشرح
لا تريد ان تجبره علي شيئ
لكنه لابد ان يختار
نعم تعرف انه لم يعطي وعود
نعم تتذكر انها قبلت ذلك
بحق الله كان واضحاً
حاولت ان تفهمه...ماذا بعد؟
العمر يجري...وما بينهم صار اكبر مما كان
ماذا بعد؟؟؟؟
يحبها...يسعد بوجودها حوله
شعر احيانا انه يعشقها
لكن زواج...؟؟؟؟؟
لا
احس أنها خيانة لكل ما تربي عليه
لرجل الدين الذي زرع بداخله
يتزوج عشيقته...؟
ذاب رجل الدين عشقاً...
وثار علي شرعية العشق...
رفض
أصرت
وافترقوا...
يتذكر كلمات خرجت منه في المشهد الاخير
"بعضنا كتب عليه العيش وحيداً"
لكم كان لسان حاله صادقاً
-----
انتهي الحفل البسيط
وعاد معها الي المنزل...
طارادته نظرات التساؤل في عيون من حوله
هوه نفسه لم يعرف جواباً فاصلاً
ربما تمرد أخير علي العباءة
كانت زوجته فرحة...تجولت في البيت وهي تضحك
تحكي له
تذكره
بقبلة سرقها هنا
بلمسة أذابتها هناك
اخبرته كيف ان بيته مختلف وهي سيدته
نظر اليها...تأملها
احس بقلبه يختنق وهو يقول
"إنتي طالق"

زائرة بلإجبار

هكذا هكذا هكذا...تدفعكى الأحلام لتأتى الى حيز وجودى مرة اخرى
لماذا نحلم يارب بمن نريد ان ننساهم؟
لماذا نكون سعداء معهم هكذا فى الاحلام؟
لم احلم بكى ولو مرة وكنا نتشاجر...لم يحدث ان حمل وجهكى فى احلامى الوجه البارد الذى لازلت اذكر معالمه بعد سبع سنوات
كيف يكتب الأنسان اهه طويلة عميقة؟؟
الغريب...انى وجدت نفسى متلبسا اكثر من مرة بالتفكير بكى
بل....وبعد اكثر من زيارة لكى...وجدت نفسى استعيد ما كان
وأفكر...مجرد تفكير...ان ارد على رسالتكى
رسالة جائتنى متاخرة خمس سنوات...ورد اكتب فيه فى خيالى فقط...لمدة عامين
بهذه الطريقة...سنلتقى ان شاء الله بعد الستين
:)
من منا ظلم الاخر؟
من منا فرط فى الحب المجنون؟ وفى السعادة المفروضة؟
نحن الأثنين
هذا هو ردى
هذه هى الرسالة
فالربما....كنا نناسب بعض اكثر مما كنا نتخيل
لا عن حب ...بل عن قلة وفاء
ماذا فى قلبى لكى بعد كل ما حدث؟؟ بعد كل ما مر من الوقت؟
بدون احلامى اللتى تنتهكيها وقتما تشائى
وترسميها كيفما تشائى
لا شيىء
فإن كنتى تملكين احلامى...فانا املك الواقع

كلمنى عن.........؟؟

كلمنى عن الجواز...والصالونات تحديداً
احكيلى عن الوحدة
الصداقة
وقولى شوية عن الغربة
البعد ويا الفرقة
كلمنى عن الترتيب
انك تكون منظم
محدد
كلمنى عن التأقلم
الحلو منه
والوحش
ومنه احكيلى عن العادة
لما تكون الوحدة عادة
قولى..بتبقى عاملة ازاى
كلمنى عن التفكير
التفكير الكتير
وامتى يكون مفيد
وامتى يكون خطير
كلمنى عن الناس
واحوال الناس...وغرابتهم
وغربتهم
كلمنى عن الرضا
عن الطموح
عن الفلوس
عن امتى تكون سعيد
كلمنى عن اختياراتك
وشغفك
اصرارك ضد ناسك
ضد مجتمعك
كلمنى عن هوايتك
عن رياضتك
كلمنى عن دينك
اللى يدينك
عن ربك عن صلاتك...عن صومك
واجكيلى عن جنونك
لحظات مجونك
كلمنى واحكيلى
ولو مقدرتش
سبنى انا اتكلم
بس اسمعنى
هتسمعنى؟؟؟؟؟؟؟؟؟؟؟؟؟؟؟؟؟؟؟؟؟؟؟

حين اقرأ لك...فأنا بديك دماغى

مستوى نقدى لأى رواية بقه عالى قوى...مش عالى من الناحية الفنية......لا عالى من ناحية عدم الرضا

الكاتب اللى جوايا بقه متمرد

اكتر من اربع روايات افتحهم ومكملهمش ودى مش عادتى

بحس انى بختلف من اول صفحتين تلاتة مع الكاتب...لانه فشل اولا لانى شايفه ...حاسه

شايفه بهو بيدخل عليا وبيحاول ينسج خطوط روايته بين السطور

اكتر من روايه فشلت معايا فى المرحلة الأولى دى....زى الفيلم اللى يفشل معاك من اول تلت مشاهد فيه

خلاص...شايفهم فيلم وممثلين بيمثلوا وحاسس ان فنى الأضاءة هيطلع ادامك لو ميلت انت شوية

من الروايات اللى فشلت معايا فى البدايه...رغم انى ناوى ارجع احاول معاها تانى

• 
  
  وراء الفردوس: لمنصورة عز الدين

وعشان كتابتى للبوست بعيدة عن محاولة قرأة الرواية دى...فذاكرتى مش هتكون منصفة وانا بذكر ليه فشلت منصورة معايا...بس كل اللى فاكره انها حطة السيمات الاساسية لاى رواية او حياة عموما وبدأت تنسج اشخاص واحداث الرواية...وبرغم انى متحيز للكاتبة لانها مزة وحلوة وكمان كاتبة..ودى صورة المرأة البرفكت بالنسبالى ( خصوصا لو طويلة وبيضا وشعرها اسود) إلا انى فصلت منها وانا شايفها بين السطور...وشايف بترمى لأيه وبتقول ده هنا ليه...الاخلاص والخيانة الصداقة والعدواة الابيض والاسود عناصر اجتماعها مش كفاية لنجاح عمل روأى...ومع ذلك الروايه ناجحة عموما

• 
  
  عندك : سفينة نوح لخالد الخميسى

سمعت عن روايته تاكسى ولما اشتريت اشتريت الاتنين تاكسى و سفينة نوح...فاكسة اخر حاجة ممكن اكون غلطت وكان لازم ابدأ بالرواية الأولى الاكثر نجاحا ليه...بس المفروض انه مستوى واحد بيقدمه المؤلف ان ماكنش بيزيد بمرور الوقت وتراكم الخبرات...مش فاكر التفاصيل اللى خلت خالد فشل معايا فى سفينة نوح بس اللى فاكره انى كنت غضبان وانا بقراها

• 
  
  الجميلة الخالدة الغير واقعية الركيكة: يوم غائم فى البر الغربى لمحمد المنسى قنديل

دى بحاول اكملها عشان متقعودش جنب اخواتها...محمد المنسى قنديل...اللى مسمعتش عنه غير مع روايته دى وترشيحها لجايزة البوكر على ما اعتقد...انا مش متابع بس تعليقى على الرواية بدأ مع اول فصل فيها.......كلام فاضى....يعنى ايه ام مسلمة صعيدية تاخد بنتها وتترجى رئيسة دير فى الصعيد انها تخبى بنتها عندها بحجة انها اعلنت اسلامها واهلها عايزين يوموتوها...الأم فى الرواية بتكذب على رئيسة الدير ليه؟؟؟ عشان الحقيقة انها خايفة عليها من عمها اللى اتجوز امها بعد وفاة والدها...بيتحرش بيها من وهى طفلة صغيرة...مع وجود اشارات من الام..أو الكاتب انه ممكن يكون هو اللى قتل ابوها اصلا...طب ده كلام

مش الفكرة انه مستحيل حد يقتل اخوه ويتجوز مراته ويحاول يغتصب بنت اخوه لما تكبر وكل الكلام ده فى الصعيد سنة 1900 مش ده اللى مش منطقى (شوف الجملة تانى) الغريب بالنسبالى ان الام تاخد بنتها وتحطها فى دير وتخليها تغير ديانتها ظاهريا هربا من هذا العم

الكاتب لما يقرر يكتب رواية بتبدأ بفكرة...ممكن تكون مشكلته فى انه يوصل لوضع معين...لشخصية معينة هى البطلة...يوجد لها مبرر...تاريخ...طريق له اول وله اخر وبينهم بيختار هوه بنفسه هيفرجنا على ايه...بيخادنا بخياله واحنا مستسلمين...لو واجه صعوبة فى انه يخلق المبرر ده...المنطقية دى...ميكونش الحل فى اللى قنديل عمله فى الرواية دى. هوه عايز مسلمة شابة صغيرة...مستخبية فى دير تحت اسم مسيحى...راح فاكس الكلام اللى فى الاول ده...فين احترام القارىء. هوه اكيد كاتب شاطر...بدليل انى لسه مكمل فيها...بس اد كده الشاطر خلقه ضيق...مش عارف .

نفي الفكرة فى رواية واحة غروب لبهاء طاهر...الرواية كلها متعة وجمال...تحفة فنية...بس اتفرج على النهاية...الرواية مبنية كلها على خبر حقيقى من جرنان قديم...عن ظابط مصرى معاصر لأيام احمد عرابى...راح الواحات وبطريقة ما ..انتهت الظروف بيه انه بيفجر معبد فرعونى للأسكندر بالديناميت....تمشى وانت مستمتع اخر حاجة...وفجأة تلاقى النهاية الواقعية اللى حصلت فعلا...مش ماشية مع الاحداث الغير واقعية اللى من خيال الكاتب...حسيت انه تعب فألك اهى...يلا بقة ...نقفل الرواية هنا...حاسس ان ذكائى تمت اهانته...تحس انى منفسن على المؤلفين برضه

• 
  
  عصر العلم : لأحمد زويل

اول ما مسكت الكاتب اتخنقت قوى انه كله مش على العلم ...كنت متخيل انه حوار مفتوح مع زويل...زى كل حوراته...بيتكلم و انت فاتح بقك...لقيت نصه قصته...من مصر الى نوبل...والنص التانى مجموعة مقالات ليه..تخيلت بينى وبين نفسى ان دى اللى فيها الشفا. اللى حصل ان الجزأ الأول هو اللى كان اكثرمتعة وتشويق وفائدة بمراحل عن الجزأ التانى...اللى ادى فيه لأاحمد المسلمانى اللى جمع المقالات دى صفر على عشرة. اولا لأن السيرة الذاتية بقرأتها بتكون فهمت ايه المشكلة عندنا من كلام زويل نفسه...وتانيهم ان مقالة واحدة تكفى...كلهم تقريبا نفس المحتوى والافكار...بس فى مناسبات مختلفة واماكن مختلفة...فأيه الحمكة من وضع عشر مقالات او ندوات ليهم نفس الجوهر...حِكم.

أخير...بما انى بقيت ناقد لازم زى ما انقد واقول مش حلو...لازم اشاور على الصح واقول جميل....وهنا احب اقول جميل على الكتب الأتية :

• 
  
  السجينة : لمليكة أفقير


• 
  
  ذاكرة جسد : لأاحلام مستغانمى


• 
  
  الجزأ الأول من تلخيص موسوعة عبقرية مصر للعبقرى جمال حمدان - مكتبة مدبولى


• 
  
  ثلاثية غرناطة : لرضوى عاشور

واكتفى بهذا القدر..وكل عام وانتم بخير...ومن قدم خير بيداه التقاه

وشكرا

انسان تحت التأجيل

انسان مؤجل هو..هكذا وصف نفسه بعد رحلة طويلة من التفكير
فهو يعمل فى وظيفه لا يحبها...ويعتبرها شىء مؤقت
طريق اجبر على المشى فيه...ليصل الى شىء يحبه
هكذا يعتقد
وهو ايضا يعيش فى بلد لا يحبها...تقتله
وتقل فيه كل يوم شىء جميل
وحين يسأل نفسه صباح كل يوم الى متى.؟؟
الى متى سيظل فى هذه البلد...؟
يقنع نفسه انها وضع مؤقت
وان هذا المكان هو مرحلة
سيمر من خلالها الى المكان الذى يرتضيه لنفسه
مرحلة مؤقته
اصحابه ليسوا حوله
وحوله اناس اخرين
ارتبطوا ببعضهم بحكم الغربة
فكانت علاقاتهم مرتبطة بغربتهم
هنا تجد الصداقة المؤقته
حيث تعلم ان يجامل..ويقبل انصاف الحلول
الوحدة...شيء مؤجل
مرتبط بزواج او علاقه
قد تاتى اليوم او غدا
يؤلمه ضميره على علاقه لم تأتى بعد
و يخاف من زواج يضعفه...لا يفهم كيف سيتزوج هكذا بكل بساطة
الفكرة صعبه...وتنفيذها متعمدا اصعب
المهم ان الوحدة شيىء مؤقت
وحده الوقت...بما يمثله من وحدة مستمرة كفيل بأن يقتل نفسه
كأنه كوب من شىء تكرهه
شربه هو الطريقة الوحيدة للتخلص منه
هل صار معقد؟؟
هل ما يمر به هو شىء صعب حقاً؟؟
يستحق عليه التعاطف الذى يراه فى عيون الناس وبين كلاماتهم؟
ام هو تمرد؟
اصعب المشاكل هى التى لا تحل بكثرة التفكير
فقديما كان ولازال سلاحه الوحيد فى مواجهة العالم هو التفكير
القدرة على التفكير فى كل التفاصيل حتى يأتى بحل
هكذا هو
مشاكله تغيرت
اصبحت اصعب من ان تحل بالتفكير
دائرة مغلقه يدور فيها
هو والوقت والوحدة والغربة
الوقت عليه ومعه...ففيه يعانى وفيه خلاصه اذا تحمل المدة المطلوبة
كم انت قاسى ايها الزمن...فحين تكون الحل..تأخذ منا الكثير
الوحدة...ربما لو عكسها بزواج او علاقة ساعدته..وغيرت من المعادلة
لكن أى علاقة..واى زواج
الغربة
كنهر من الذهب السائل...حتى تاخذ منه لابد ان تذوق طعم النار
وكل منا وطاقته
حتى كلاماته..صارت تدور حول نفسها
جئت اتلمس الراحة فى كلمات اكتبها...فرأيت كم صارت كلماتى عرجاء
اين الراحة...؟
اين الرااااااااااااااااااااااااحة؟؟
___________________
مخنوق
وعلى قلبى حمل تقيل كأنه جبل
تعبت من التفكير
تعبت من نفسى ومن حياتى
ومن التفاصيل
مين بيحبك فى الشغل ومين بيكرهك
مين من اصاحبك مشتاقلك
ومين فى النسيان غربك
هتحب مين...وهتتجوز مين
وهتعيش معاه سعيد
ولا هيزيد الحمل على صدرك
والخنقة تكبر
هتترقى امتى فى شغلك
وتجيب فلوس اكتر
وتكبر..والناس تشاور عليك
وتتمنى تكون زيك
عايز ايه من دنيتك؟
عايز تعيش مسلم
والجنة تكون اخرتك...لو كنت فى حياتك مؤمن
مخنوق ليه من ارض الخوف
متعيش وتتجوز زى الالوف
بتدور على ايه؟
عايز تعيش للدنيا ولا تعيش للدين
بينهم مفيش عصايه تتمسك من النص
لازم تختار
من الاتنين
انت مين؟؟ انا مين؟؟