اخر يوم ليا فى بيتنا
اخر ليلة هنام على سريرى
زى دلوقتى هاخد شنتطى واطلع على المطار
احساس غريب
مش عارف خوف..ولا توتر...و قلق
مش عارف
اول مرة اسافر
واول مرة هغيب عن بيتنا كل المدة دى
زمان كنت لما اسافر يمين جوة مصر فى اى حتة
كانوا هما يومين واحن لبيتنا
احن لدنيتى إللى عارفها وعارفانى
دلوقتى الواحد بختار انه عن يتغرب عن بيته واهله واصحابه بأرادته
أو يمكن غصب عنه
بس بيختار
يختار انه يبعد
ويبدأ حلمه من جديد..فى مكان تانى
مكان متربطوش بيه أى حاجة
يعنى ملوش فيه ذكريات
مش عارف ايه اللى انا بكتيه ده
انا هنام
تعبان
ومش عارف امتى هرجع اكتب هنا تانى
بس اكيد باسرع وقت
إلى اللقاء قريبا بإذن الله
فان
3 comments:
صديقي العزيز الذي أجد فيه كثيرا مني
عارفة كويس قوي مشاعرك و متخيلاها و مش عاوزة أستمرفي تخيلها أكتر من كده من كتر ألمها
و بجد متألمة من إحساسي بإنك بتعانيها
لكن هي ده الغربة
و بالذات لأول مرة
بتمنالك التعود بسمن غير امتزاج
بتمنالك تأقلم بسمن غير نسيان
بتمنالك القوة و الصبربسمن غير جمود وقسوة
العنوان مؤلم يا فان "هنا القاهرة" حايكون مؤلم ليك بعدين.. لما تتخيل إنك كنت قاعد فيها و انت بتكتب البوست ده و انه آخر بوست كتبته و انت فيها
ربنا يكتبلك الخير و النجاح و السكينة و الرضا
يا رب توصل بالسلامة
وإوعى تتأخر علينا
اخي العزيز وصديقي ورفيق الغربه مثلي
بتمناك كل خير وسعاده في حياه تانيه ممكن تلاقيها صعبه في الاول لكن بالتدريج كل شيء بيهون صدقني
الغربه مؤلمه صحيح
لكن انت اقوي من اي ظروف
طمنا عليك يا عزيزي
في اول فرصه تقدر تتطمنا فيها
ربنا معاك وان شاء الله هدعيلك ربنا يفتحها عليك ويرزقك من حيث لا تحتسب
تحياتي يا اخي العزيز جدا
عارفة انك أكيد مشغول وصعب قوي تركز حاليا.. بس بلاش تطول عشان ماتقلبش معانا بقلق
Post a Comment